Ný síða!

Komin með nýja síðu

http://ragnheidursylvia.bloggar.is

Verið svo dugleg að commenta þið þarna!!!!

Fiesta!

Í augnablikinu er Barcelona undirlögð af hátíðarhöldum. Þeir láta sér ekkert duga einn dagur, neineinei, þeir þurfa heila helgi í þetta. Þetta er hátíð La Mercé sem er dýrlingur. Á hverju götuhorni er eitthvað að gerast, ég hef séð 8 útisvið víðsvegar um borgina sem og að hver einasti bar eða veitingarstaður er pakkaður af fólki. Flestir láta sér þó bara nægja að planta sér á næsta götuhorn og bíða eftir að einhver komi og bjóði þeim kaldan bjór rétt yfir kostnaðar verði.
Það er merkilegt að þegar Íslendingar halda svona hátíðir þá snúast þær svoldið mikið bara um að vera fullur og hérna er það bara alveg eins! Ég hef aldrei séð jafn mikið að unglingum saman komnum til þess eins að rúlla um strætin slefiandi full.
Annars er ýmislegt í boði fyrir þá sem vilja vera menningarlegir, eiginlega of mikið í boði. Reyndi að vera afar menningarleg á föstudaginn og sjá sem flesta tónleika og svoleiðis en eftir að hafa labbað Barcelonu þvera og endilanga allt kvöldið var ég orðin frekar þreytt svo í gær var meira bara stemming fyrir að fara á barinn.
Í kvöld ætla ég að reyna að gera eitthvað að viti en sjálfur dagur La Mercé er í dag, þar sem þetta er dýrlingur og það er sunnudagur og allt það. já og bytheway spánverjarnir kunna þetta, eftir svona langa helgi af partýum þá er að sjálfsögðu frí á mánudeginum svo þú getir nú hvílt þig! Hver kannast ekki við að þurfa að fara í vinnu eftir menningarnótt og engan veginn upplagður, ekki hérna, hér fá allir frí!!!

Annars er maður alltaf að læra meira og meira hvernig lífið virkar hérna, er búin að ákveða að reyna að skipta um íbúð núna um mánaðarmótin þar sem það er verið að gjörsamlega að okra á mér hérna. Eftir að hafa kynnst svoldið af krökkum í skólanum og þau sagt mér hvernig er hjá þeim og hvað þau eru að borga á mánuði þá skil ég ekki hvað ég er að gera hérna á þessari heimavist. Er strax búin að finna herbergi sem ég vil skoða betur og svona þannig vonandi gengur þetta upp í næstu viku og ég get verið nær skólanum og svoleiðis.

later!
aju!

Stundartaflan mín hérna er loksins tilbúin og talandi um slæmar stundartöflur þá ættuð þið að sjá þessa! Ég er t.d. í skólanum á mánudögum frá 8:30-11:30 og síðan ekkert allan daginn fyrr en 19:30-21:00!!! Hver hefur tíma til níu á kvöldin aðrir en spánverjar!?! Svona er nánast öll vikan hjá mér, og stysta hlé á milli tíma er 3 1/2 timi og það er bara talið mjög fínt.
Mér finnst þetta náttúrulega fyrir neðan allar hellur en það virðist ekki hafa nein áhrif á þetta yndislega starfsólk skrifstofunnar hérna. Þeir sem hafa verið í mh muna kannski eftir því að maður varð að vinna sig smá upp í áliti hjá skrifstofukonunum svo þær myndu hjálpa þér, hérna er þetta svipað nema að það er ekki hægt að vinna sig upp! Þeir sem ég hef séð fara inn á skrifstofuna koma til baka með enn fleiri spurningar en þegar þeir fóru inn.
Annars er ég búin að fara í 2 nýja tíma, "Spánn í dag" og "munnlega spænsku". Báðir áfangar mjög áhugaverðir og kennararnir alveg frábærir. Á morgun byrja síðan sjálfir spænsku tímarnir en þessir tímar flokkast undir culture classes.

Hrikalegur atburður gerðist hins vegar í gær.
Dagurinn hófst á hefðbundinn hátt, tannbursta sig. klæða sig og morgunmatur og síðan fór ég í skólann. Þegar ég kom heim um 3 leytið var búið að skipta á rúminu mínu og ég hafði fengið ný handklæði. Ég var afskaplega glöð og hlakkaði til að taka smá siestu svona áður en ég þurfti að fara aftur í skólann en þá sé ég að Ísak, minn ástkæri tusku ísbjörn, er horfinn. Ég sný herberginu bókstaflega við áður en ég kemst að þeirri niðurstöðu að hann er horfinn. Ég hleyp niðrí lobbí og segi þeim að hann sé horfinn með tárin í augunum en þeim fannst þetta afar léttvægt atvik og fóru bara að hlægja. Þau reyndu að hringja í konuna sem þreif og allt kom fyrir ekki, ísak var horfinn.
Þegar ég kom síðan niður í morgun mæti ég þessari konu og hún hlær líka bara en þegar hún sér að mér finnst þetta bara ekkert spaugilegt þá segistu hún ætla að leita betur. Þegar ég kom síðan heim núna á áðan þá var hann hérna á rúminu mínu! Hann hafði óvart lennt með óhreinu rúmfötunum mínum og konan hafði bara ekki leitað nógu vel fyrst. já og þetta hafði mikil áhrif á sálarlífið þar sem ég svaf afar illa í nótt og var alltaf að vakna en ég get sofið betur núna.

Ekkert meira að frétta í bili...
Adios!

p.s. Hrönnsa ef þú ert að lesa þetta þá má alveg hringja í mig eða senda mér sms...

ORA grænar baunir

Nú er ég búin að fara í einn tíma í skólanum. Þessi áfangi sem ég fór í er um suður amerískar bókmenntir en á kynningunni er þetta meira bara svona suður-amerísk menning.
Ég náði að skilja svona 40% af því sem að kennarinn var að segja sem er þó mun meira en strákurinn sem sat fyrir aftan mig. Hann var eini strákurinn í bekknum og hafði aldrei lært staf í spænsku svo hann skildi ekki neitt. Ég skildi samt allt sem ég þurfti að skilja og ég veit hvað ég á að gera heima og svona.
Samt verð ég að segja mér er búið að leiðast svoldið hérna núna seinustu 2 daga.
Ég er búin að fara í skólann báða dagana en bara til að ná í einhver blöð og svona, og þar eru allir bara eitthvað í hópum og það er alltaf svoldið erfitt að troða sér inn í svona hópa. Það er rosa mikið af bandaríkjamönnum hérna og þau eru voða mikið saman og svo að sjálfsögðu japanir sem eru líka bara saman. Annars kemur þetta allt saman þegar að spænsku tímarnir byrja því þá sér maður þá sem eru á svipuðu róli og maður sjálfur.
Ennþá er ég bara búin að sjá 2 aðra sem búa á þessu residence-i með mér, sem mér finnst agalega skrítið, þetta er nefninlega frekar stórt hús og það er svoldi einmannalegt að heyra aldrei í neinum í húsinu. Lyftan er samt komin í lag og ég var ekkert eðlilega glöð að þurfa ekki að labba upp þessar 6 hæðir!
Heyrðu ég fór að borða í gær, sem er nú ekki frásögu færandi ef ég hefði ekki fengið fyndnasta rétt sem ég hef séð. Hann samanstóð af ora grænum baunum sem voru hitaðar og settar á disk og ofan á það voru settir svona 3 soðnir kartöflubitar. Þar sem ég skildi ekkert sem stóð á matseðlinum valdi ég bara eitthvað og ég vissi ekki hvort ég átti að hlægja eða gráta þegar ég maðurinn kom með þetta til mín. Ég reyndi að borða smá til að vera kurteis og brosti voða mikið til þessa manns sem hafði lagt hjarta sitt í þennan rétt en þetta var bara eiginlega ekki ætt.
Annars er ég bara farin að bulla svo ég skrifa næst þegar ég frá einhverju að segja...
ble

Komin!

Jæja þá er ég komin til Barcelona!
Er búin að vera hérna í 4 daga með mömmu sem er bara búið að vera notalegt! Fórum í dag á residence-ið sem ég ætla að eiga heima á næstu mánuðina. Allt er nýtt og fínt í herberginu mínu sem er æði og svo er ég með frekar stórar svalir sem er ekki verra. Afgangurinn af húsinu er ekki tilbúinn sem er frekar skrítið en þetta á allt að komast í gagnið eftir næstu viku.
Ég byrja ekki í skólanum fyrr en á miðvikudaginn svo ég hef morgundaginn til að komast að því hvernig ég ætla að koma mér til og frá í skólann þar sem ég er frekar mikið langt í burtu þá held ég að það sé eiginlega útilokað að ég hjóli, ég sem bar búin að hlakka svo til að kaupa mér hjól með körfu...
Mér finnst líklegast að ég taki metro þó svo að mér finnist það hrikalega leiðinlegt en það venst.
Annars er hrikaleg heitt hérna núna, það er svona 80-90% raki líka svo maður er alltaf eins og maður sé ný kominn úr sturtu... notalegt... veit ekki alveg.
Verið nú dugleg að kommenta hjá mér því þá verð ég svo glöð!

Annars er ég líka komin með spænskt gemsanúmer sem er: +34 67 121 5334

Er líka með skype svo peningar ættu ekki að stoppa neinn...

Adios!

Byrja að skrifa aftur hér þegar ég fer til Barcelona.
Þangað til þá...

Var að koma heim úr ferð í kaupstað norðursins. Feðginin voru bara tvö saman og fóru í leikhús og grilluðu og höfðu það alveg hrikalega notalegt!
Ég er alveg búin að sjá að ég þaf að vera duglegri að fara í þetta himneska hús sem við eigum þarna, ég sef miklu betur og það er ótrúlegt hvað það gerir manni gott að finna fyrir rónni og kyrðinni.

Annars þarf ég að fara að leyta mér að húsnæði næsta haust. Þar sem ég er svona frekar mikill amatör í Barcelona þá þætti mér afar vænt um ef einhver gæti leiðbeint mér um í hvaða hverfi ég á að vera og svona.
Ég er orðin alveg hrikalega spennt yfir þessu öllu saman og get ekki beðið að fara læra meiri spænsku, finnst samt svoldið skrítið að ég eigi ekki eftir að flytja í nýja húsið með mömmu og pabba og er því farin að undirbúa jólafríið heim frá Barcelona....

Annars ætla ég að vera voðalega róleg yfir páskanna en ef einhvern langar að spila og drekka rauðvín þá er ég alltaf til:)
Hilmar ertu game????:)
aju